المقاسات المطلوبه لعمل الباترون الأساسي الصحيح
. نقطه الالتقاء.
دي اول نقطه ليه سموها نقطه الالتقاء لانها ملتقى الكتف بالصدر بالخلف اللي هناخد عليها كل المقاسات. وهنرسم عليها الباترون الاساسى.
* المقاسات الأساسية (الاطوال)*
1. طول الصدر
طول الصدر نضع المزوره عند التقاء الرقبه لغايه منتصف بروز الصدر.
2. طول الوسط
نربط شريط على الوسط اولا ونقيس من نقطه التقاء الرقبه نزولا ببروز الصدر لغايه طول الوسط وهنسميه الطول الاول .
ده بيستخدم في اي موديل يتعمل لغايه الوسط او اي موديل بوسط.
والطول الثاني نستخدمة لغايه السره ودة تقريبا بيقا بين السره والخصر بأربع أصابع.
الطول الثاني ده نستخدمه من باب التسهيل على المبتدئين اللي بتبقى عندها بروز في منطقة البطن.
3. طول الجنب
بناخده من عظمه الحوض لاعلى منطقة في بروز الهنش 18 سم للنحيفه والعاديه و 20 سم للسيدة الممتليئة اللي عندها بروز الهانش في الجانبين يبقى 20سم.
.* المحيطات *.
1. محيط الصدر
نلف المازورة من الخلف مرورا على محيط الصدربزياده اربع اصابع عن طريق وضع ايدينا بين المازوره و فتحه الثدي اربع أصابع.
لو حبيت اعمل حاجه مجسمه هاخذ محيط الصدر كامل بدون زياده.
2. محيط الوسط
نلف المازورة على الوسط بدون زياده.
ده يعتبر اول محيط ثاني محيط بننزل شويه بالمازورة عند بروز البطن ناحيه السره شويه وذلك لبروز البطن.
3. محيط الجانبين
نلف المازوره على بروز الهانش مرورا ببروز البطن بزيادة أربع أصابع بين البطن والمازورة وذلك لكى يبقى مضبوط لا ضيق ولا واسع.
4. بعد الصدر
من بروز الصدر الايمن لبروز الصدر الايسر مش بيزيد عن 20سم، لو مثلا واحده مليانه قوي وعندها الصدر كبير شويه بيبقى 22 سم.
5. عرض الكتف
ناخذه من عظمه المفصل اليمين لعظمه المفصل الشمال.
6. طول الكم
ناخذ طول الكم من عظمه الكتف وبينزل لغايه الكوع ودوران الكوع لغايه الطول المناسب للرسخ.
7.طول الباط
نضع مسطره الباط تحت الباط مباشرا وبعد كده بننزل بمقدار صباعين تقريبا 2 سم ، ونشوف الرقم اللي هيطلع في مسطره الباط من فوق عند الكتف ، وده يعتبر طول الباط الامامي نفترض ان هو 22سم يبقا نزود للباط الخلفي 2سم يبقا 24سم ، لان الباط الخلفى يزيد عن الباط الامامى ب2سم.
8. طول فتحه الرقبه
من التقاء الرقبه لحد الطول المناسب اللي انتى عايزة.
ولمشاهدة الشرح فيديو لقناةأمل للخياطه والتفصيل
إضغط هنا👇👇
